«Հայաստան 2021» նախաձեռնության ներքո կազմակերպված քվեարկության գործընթացն ավարտված է:
Կարևոր արդյունքներն են`
1. Առաջին անգամ մշակվել և իրականացվել է ազգային քվեարկություն, որպեսզի ընտրվեն այն մասնագետները, ովքեր ի վիճակի են պատասխանատվություն ստանձնել և օգնել հայ հասարակությունը և պետությունը ճգնաժամից դուրս հանել:
2. Ծրագրի մեկնարկից մինչև քվեարկության ավարտը անցել է 42 օր (2020 թ. դեկտեմբերի 7 - 2021 թ. հունվարի 17)
3. Քվեարկությանը մասնակցել են 200,180 ՀՀ քաղաքացիներ և սփյուռքի ներկայացուցիչներ
4. Ընտրողների 68.2% -ը Հայաստանից է
5. 408 թեկնածու առաջադրվել է հասարակության կողմից քվեարկության ցուցակում ընդգրկվելու համար
6. Ուրվագծվել է հակաճգնաժամային թիմի հավանական դիմանկարը
7. Հայ հասարակության ակտիվ մասնակցությունը ապացուցել է այս նախագծի արդիականությունը
Մենք` «Հայաստան 2021» նախաձեռնության կազմակերպիչներս հիմնվեցինք այն փաստի վրա, որ երկրում ճգնաժամային իրավիճակ է, քաղաքական դաշտը փակուղի է մտել, ՀՀ քաղաքացիների ճնշող մեծամասնությունն ապակողմնորոշված է և չի տեսնում ճգնաժամը հաղթահարելու այլ տարբերակ, բացի մեկ առաջնորդ ընտրելուց: Ուստի որոշում կայացրինք և իրագործեցինք այս գաղափարը`բացահայտելու և ներգրավելու համար այնպիսի մասնագետների, որոնցից յուրաքանչյուրն առանձնանալու է իր ոլորտում բարձր մակարդակի հմտություններով և պատրաստ է մասնակցել Հայաստանի ապագայի կերտմանը:
«Հայաստան 2021» նախաձեռնության առաջին քայլն իրականացվել է քվեարկության և կազմակերպիչներին մինչև այս քվեարկության ավարտը չբացահայտելու ձևաչափով ` հետևյալ պատճառներով.
ա. Կազմակերպիչներին մինչ քվեարկության ավարտը չբացահայտելու որոշումը նպատակ ունի հասարակության ուշադրությունը կենտրոնացնել նախաձեռնության էությա´ն վրա:
բ. Քվեարկության ձևաչափը հնարավորություն է տալիս պարզել թեկնածուների նկատմամբ ժողովրդի վստահության աստիճանը, որոնց մասին մարդիկ կարող էին դատել` հիմնվելով բաց աղբյուրներից ստացված տեղեկատվության վրա` թեկնածուների կենսագրության, հմտությունների, մասնագիտական հեղինակության և հայրենանվեր գործերի մասին: Բացի այդ, մարդիկ հնարավորություն ունեցան նախաձեռնությունն իրենց ձեռքը վերցնել և առաջարկել իրենց թեկնածուներին, որոնք նույնպես ընդգրկվեցին քվեարկության մեջ: Այսպիսով, ձևավորվում է պրոֆեսիոնալ կադրերից բաղկացած ազգային ներուժը և հասարակության մեջ ազգային համաձայնության և վստահության մոդելը:
Վստահ ենք, որ մեր ժողովուրդն ունի զավակներ և դուստրեր, ովքեր ունեն հնարավորություն, գիտելիք, կամք `ղեկավարելու հայկական պետականության վերականգնման գործընթացը ներքին և արտաքին քաղաքականության բոլոր ոլորտներում` ազգային անվտանգություն, պաշտպանություն, տնտեսություն, սոցիալական, հումանիտար և այլ ոլորտներ:
Այժմ մենք 200,180 մեր հայրենակիցների էլեկտրոնային քվեարկության արդյունքների հիման վրա կոչ ենք անում բոլոր թեկնածուներին հայտնել «Հայաստան 2021» նախագծի շրջանակներում համագործակցելու իրենց ցանկությունը՝ գրելով info@armenia2021.com պաշտոնական էլփոստին:
Մեր հաջորդ քայլերն են`
1. Անհատական կոչ `քվեարկության 20 առաջատարներին, ինչպես այն մարդկանց, ովքեր ընտրողների շրջանում ամենամեծ վստահությանն են արժանացել` պատասխանատվություն ստանձնելու և երկիրը ճգնաժամից դուրս բերելու գործընթացին անձամբ մասնակցելու համար: Հասարակական մեծ պահանջի և գործընթացը հնարավորինս թափանցիկ դարձնելու անհրաժեշտությունից ելնելով բոլոր պատասխանները կհրապարակվե´ն:
Միևնույն ժամանակ, մենք համագործակցելու ենք ինչպես բոլոր նրանց հետ, ովքեր մասնակցել են քվեարկությանը, այնպես էլ տարբեր ոլորտների այլ մասնագետների հետ: Մենք ակնկալում ենք, որ հասարակության սպասումները անպատասխան չե´ն մնա:
2. Անհրաժեշտ խորհրդատվությունների անցկացում Հայաստանում և սփյուռքում նմանատիպ նախաձեռնությունների ներկայացուցիչների հետ `ընդհանուր նպատակների իրականացման ճանապարհին ամենահաջող համագործակցությանը հասնելու համար:
3. Բոլոր ուժերի համագործակցություն և համախմբում մեկ ազգային հարթակում, որտեղ յուրաքանչյուր մասնակից կարող է նպաստել Հայաստանի արժանի ապագայի կերտմանը:
Մենք լիովին հասկանում ենք բոլոր բարդություններն ու պատասխանատվությունը, որն իր վրա է վերցնում յուրաքանչյուր մասնակից, ով պատրաստ է դրական արձագանքել մեր կոչին, ուստի, ինքներս բոլոր ջանքերը կգործադրենք համատեղ և համակարգված աշխատելու համար:
Հայաստանից 2021 թվականից դեպի Հայաստան 2121:
Նախաձեռնության կազմակերպիչներ. Իգոր Զարգարյան - հասարակական գործիչ (Հայաստան), Իլյա Բալադյան (Ռուսաստան), Գարի Գարանյան (Ռուսաստան), Գարիկ Գևորգյան (Հայաստան), Գևորգ Մխիթարյան (Հայաստան), Վազգեն Սարուխանյան (Հայաստան)
«Հայաստան 2021» -ի անունից բոլոր հայտարարություններն ու մեկնաբանությունները կարելի է գտնել armenia2021.com պաշտոնական կայքում կամ ստանալ info@ armenia պաշտոնական էլփոստից և նախաձեռնության համակազմակերպիչ Իգոր Զարգարյանից: Մեր անունից արված ցանկացած այլ գործողություն կամ հայտարարություն համարվում է անօրինական:
Պաշտոնական կայք ՝ armenia2021.com / Պաշտոնական էլփոստ ՝ info@armenia2021.com
